top of page
  • Writer's pictureVishal Kachroo

Afsoos Duniya

Updated: Apr 18, 2023

अफसूस दुनिया

Poet: Rajab Hamid (b. 1910, Satura, Tral, Kashmir)

Devanagari Transliteration: Vishal Kachroo



 




अफसूस दुनिया

कँसि ना लॊग संमसार सॗती

पॅतो लाकन वॖछतॖ कम कम मज़्ज़ार वॉती


कथ माजि ज़ायोख

क्याज़ि आयोख अवलय ज़ॉती

नंगय तॖ नॊनुय

अथॖ छॊनुय, क्यह छुय च़ॆ सॉती


अफसूस दुनिया

कँसि ना लॊग संमसार सॗती

अफसूस दुनिया


खॊनि माजि रॊछनख

द्वद चावान छय लोलॖ सॗती

मन्ज़ रव्नि मन्ज़िलिस ललॖनावान ऑसी कॗती


त्रॖ वुहुर वॉतिथ द्राख गिन्दने शुर्यनॖय सॗती

शॖ वुहुर वॉतिथ बाबॖ द्यद छी वॖछान वॉतिथ

सतॖ वुहुर वॉतिथ पयोख फिक्यरन खय्यालॉती

च़ाटॖहाल न्यूहख द्यदि बाबन ऑय्यो सॗती

पॅतो लाकन वॖछतॖ कम कम मज़्ज़ार वॉती

अफसूस दुनिया


बाह वुहुर वॉतिथ पयोख फिक्यरन असली ज़ॉती

न्येतॖर कथन, द्यदि बाबस मंज़िम वॉती

अफसूस दुनिया कँसि ना लॊग संमसार सॗती

अफसूस दुनिया



त्रुवहन तॖ च़ॊदहन मन्ज़ माहराज़ॖ पूरहॊख ज़ॉति

हॊहवुर गछ़िथ आख रॊनि ह्यथ बा ऑशि मॉती

पॅतो लाकन वॖछतॖ कम कम मज़्ज़ार वॉती

अफसूस दुनिया


वुह वुहुर वॉतिथ पयोख फिक्यरन मुक्कामॉती

छुख परज़ॖनावान दोस दुशमन कम योर वॉती

अफसूस दुनिया कँसि ना लॊग संमसार सॗती

अफसूस दुनिया


पॖंच़ॖह वॉरी खानदॉरी कॅरथो ज़ॉती

छुख दोस दुशमन रॅन्ज़नावान लॊकचार सॗती

पॅतो लाकन वॖछतॖ कम कम मज़्ज़ार वॉती

अफसूस दुनिया


त्रॖह वुहुर वॉतिथ दॊपुथ बाबस खराबॉती

छ़ॊपॖ लागॖ बाबो छुखहा डॊलमुत बुज्जर सॗती

अफसूस दुनिया कँसि ना लॊग संमसार सॗती

अफसूस दुनिया


च़तजी वॖहरिस शुर्य च़ॆ पानस कारस वॉती

छिय खास अवलाद दक्कॖ लायान यति क्योह वाती

पॅतो लाकन वॖछतॖ कम कम मज़्ज़ार वॉती

अफसूस दुनिया


उमराह च़ॆ रॉवॖय गोख गुमराह शुर्यनॖय सॗती

नय दीन दुनिया नय च़ॆ लॊगयो ईमान सॗती

अफसूस दुनिया कँसि ना लॊग संमसार सॗती

अफसूस दुनिया


पंच़ाह वॖहरिस आय बुज्जर मॅठयो शँती

छय लूर अथ्थस च़ाख मसजिद गय्यो बरँथी

पॅतो लाकन वॖछतॖ कम कम मज़्ज़ार वॉती

अफसूस दुनिया


रजब हॅमिदो सुलि यॖम द्राय मँज़िलस वॉतिथ

अजब अमला करतॖ आसख ऑरिफन सॗती

अफसूस दुनिया कँसि ना लॊग संमसार सॗती

पॅतो लाकन वॖछतॖ कम कम मज़्ज़ार वॉती

अफसूस दुनिया



31 views0 comments

Recent Posts

See All

Commenti


bottom of page