Aaftaaba (आफताबा)

आफताबा

Poet: Sh. Bal Krishan Sanyasi

Singer: Geelani

Devanagari Transliteration: Vishal Kachroo

---

मॆ गव दिल शबनमस पथ, आफताबा

दिखा मॊसिम करस गथ, आफताबा

छि वॖन्यक्यन रमबॖवॖन्य च़िह तंबॖलावान

गुलन सथ चॉन्य शफकत, आफताबा

यॖमय क्येंह कत्रॖ पॆयि कोसम वुठन प्यठ

यॖमय क्येंह ज़ॖच़ॖ रफागत, आफताबा

छिवान नरगिस बॅ सुबहय ॲश्कॖ तरछस

पॆयम ताफा च़ल्यम ह्यथ, आफताबा

नतय प्यव नव बहारस मंज़ अथस शीन

कॊठिश कॊठिशावि महबथ, आफताबा

फ्वलान ब्वकॖ पोश चमनन दॅय हवा ओस

दॊपुन छुख म्वखतॖ छॅकरिथ, आफताबा

तहन प्यठ ताह, तिमव मॅंज़्य चोन प्रखटुन

तहय यलॖ गॅय छु हॉबथ, आफताबा

बॖ छुस सॅन्यॉस्य रंगॖ किन्य, पॊज़ बॖ जाफुर

च़ॖ प्रॊन नॊन रंग खटिथ सथ, आफताबा